[轉載/Youtube] 難頂負面新聞不絕 側田敗走北京變喊包
聲稱將移居北京兼於當地發展的側田，昨日舉行下月演唱會記者會，之前他被指涉及日本女藝人木村乃的多角關係，形象再度受挫，側田聲言受影響，加上想和韓籍女友拉埋天窗，故才毅然決定轉戰內地，其間更一度流下男兒淚。
側田昨日於黃埔某酒店為下月舉行的《Justin ReLo》演唱會舉行記者會，唱片公司正式宣佈演唱會過後，側田將到北京定居兼發展。談到今次決定，側田未正式講感受已經喊得淚流滿面，台下的fans及同事也相繼落淚。
擬娶韓籍女友
談到移居北京的原因，側田聲稱跟近年對於他的報道有關，其實側田一直傳出不少負面新聞，經常被拍到夜蒲媾女，又被發現醉酒和曹格大打出手，近日則捲入日本女藝人木村乃的多角關係中等等，形象日差。
側田表示早前接受傳媒訪問表示會返北京發展，他說：「我講嘅都係no meaning，因為怕自己去到北京會太傷心，所以先咁講，希望大家原諒。」問到側田是否因覺得自己在香港的形象太差才到外地發展？他強調並非對香港傳媒有偏見，他說：「我諗自己係同大家有多少誤會，不過離開有20%係因為嗰個傳媒，40%係為音樂，40%係為我愛人！」側田表示有意移居北京後和韓籍女友結婚。
急急否認封咪
之前側田曾表示在香港的收入很少，對此他說：「呢個係真嘅，我主要收入係馬拉、美加同廣東省，我講完雖然好多人鬧我，不過都好多藝人都喺微博多謝我，因為我講咗佢哋唔敢講嘅嘢。」問到是否下月演唱會後會封咪？側田即緊張澄清：「咁又唔好咁絕，只係暫別香港樂壇，香港嘅工作我都會繼續做。」他更多次強調每年也會回香港數次，似是為自己鋪後路。
YouTubeHK 精選影片 www.youtubehkvideo.com [主頁] [最新影片]
No comments:
Post a Comment