YouTubeHK 精選影片 02: [娛樂] 波霸廣告太性感香港禁播

波霸廣告太性感　香港禁播( 2010-12-29 )

[轉載/Youtube] 天氣雖然凍，但今時今日着皮草隨時俾人鬧。美國女星彭美拉安德遜（Pamela Anderson）應國際保護動物組織PETA邀請，拍咗段《違禁品：動物虐待》反皮草廣告，扮演性感機場保安，將乘客身上披住動物層皮嘅衣物一一脫去。
但 PETA發言人同八方講，本月10日向香港機場嘅廣告代理JCDecaux申請，希望可以喺聖誕同新年期間播放呢段片；上周四收到回覆，對方以廣告內容不雅為由，拒絕喺機場播。PETA發言人覺得好驚訝，認為廣告絕無賣弄色情之意，只係想用輕鬆手法，呼籲大家停止着皮草同動物皮革製品。
機場管理局回應話，機場有唔同年齡、宗教背景同國籍嘅乘客出入，廣告內容有可能冒犯部份人，所以拒絕PETA申請。廣告放咗上網，市民可以上去 http://features.peta.org/CrueltyDoesntFly/default.asp睇睇，自己判斷吓。