[轉載/Youtube] 千嬅和丁子高去年在美國註冊，今個月兩場婚禮合共宴請近千人。兩人日前Boxing day在家拆新婚禮物，花了4小時盤點，共有100支酒、60隻杯等朋友共享，並細閱百多張賀卡逐一感受各界祝福，兩人更收到兩條特製「愛」字牛仔褲，明白到愛情要互相配合和遷就。
楊千嬅和丁子高的連場婚禮完成，兩人日前Boxing day在家中拆結婚禮物，盤點一大堆結婚賀禮和聖誕禮物。丁子高昨日在電話中說：「因為嗰日比較清閒，我哋兩個坐喺廳中間，慢慢拆，整咗4個鐘頭，好誇張，一定要清，因為我個廳已經爆晒，要清番條路出嚟。」
邊睇卡邊笑
千嬅之前透露收了70多個相架，盤點後更有空氣清新機、各式餐具，更有超過100支紅酒香檳、60隻酒杯和大量盛酒器等，丁子高說：「可能老婆鍾意飲香檳嘅形象太深入民心，朋友又知我鍾意飲紅酒，我哋屋企成日都有好多friends嚟玩，可以呼籲大家唔使帶酒同杯嚟。」
據知單單賀卡已超過100張，丁子高影完相後，將賀卡和相架全部入箱，收起珍藏，他說：「啲婚紗相暫時未揀到要曬邊啲，所以先收起相架。賀卡真係每個人都有好多祝福，我同老婆一路睇一路笑，佢冇喊，有啲都好感慨，好似嗰啲苦盡甘來咁。最多嘅金句就係『開枝散葉，三年抱兩』。」
綴水晶裝飾
兩人又收到兩條特別的「愛」字夫婦牛仔褲，來自法國品牌Chevignon總設計師設計的禮物，特製的牛仔褲用上Swarovski Elements水晶做裝飾，千嬅和老公忍不住着上身影相，千嬅說：「褲管上呢個二分一嘅『愛』字，一定要兩個人企埋一齊先可以拼湊成一個完整『愛』字。我着咁高嘅鞋，目的就係要夾番老公個高度，哈哈。」
千嬅之後補充說：「就好似愛情一樣，要雙方配合，互相遷就。」丁子高透露因為辦婚禮停工一個月，現時最急要返工及準備明年的新計劃。
YouTubeHK 精選影片 www.youtubehkvideo.com [主頁] [最新影片]
No comments:
Post a Comment