[轉載/Youtube] December 30, 2010
【蘋果日報報訊】「維園阿哥」任亮憲涉嫌強姦非禮案的女事主 A，昨日在部份任亮憲支持者揚言會入侵一個她管理的任亮憲 facebook專頁後，向一直跟進案件的沙田重案組求助，擔心有關證物隨時消失。根據 A的說法，她被侵犯當日，正是因任說要到其家中觀看有關專頁。警方發言人表示，沙田重案組探員正跟進了解事件。 A昨日又點名力斥，社民連創黨主席黃毓民指事件是「中共設下的陷阱」說法無稽，「未審先判，原來佢（黃毓民）係表表者」。記者︰林俊謙
昨日 A向本報表示，對有支持任亮憲的網民，近日在討論區揚言會入侵其管理的任亮憲 facebook專頁感到擔心，「因為當初係佢（任亮憲）搵我建立呢個專頁，之後先至會上嚟我屋企，至會發生今次呢件事」。 A昨已向一直跟進案件的沙田重案組警員反映，但她引述警方回應，指警方對此「可以做嘅唔多」。
痛斥黃毓民未審先判
A一直只將專頁資料保留至本月 12日，其後新增的網民留言一概刪除，這做法卻激起部份支持任亮憲的網民不滿，部份人揚言要向 facebook投訴，又留言大罵 A。
對於任的支持者的反應， A說：「我保留佢（任亮憲 facebook專頁），唔係因為我仲留戀，而係因為呢個係一個重要證據，佢哋有冇諗過喺嗰度留啲咁下流、咁卑劣嘅留言，係傷害緊一個受害者？」
A說，對於不少任亮憲支持者以陰謀論討論此案件感到憤怒，「成件事係有人行差踏錯、有人挑戰法治，有人對女性不公義，佢哋就覺得係一個政治陰謀，我覺得真係黐線」。
其間， A更點名批評社民連的創黨主席黃毓民，「黃毓民仲要講啲咁無稽嘅嘢，未審先判，原來佢係表表者」。
質疑任做法精神迫害
A透露，事發後她已被迫辭去工作，近日更要到診所檢查是否因被任侵犯而感染性病，現正等候檢驗的結果。
對於事後多次主動回應事件， A坦言是由於任早前接受周刊訪問時，已半公開了她的身份，「佢令個個都知、個個都起我底，致令我要為自己辯護，唔係我想高調，係我俾人踩到埋身，無理由坐以待斃」。
A又質疑任將其身份半公開的做法，是有其他目的，「佢將我身份半公開，係咪想搞到我精神崩潰唔出庭？好多人都有咁嘅言論，起我底、各樣嘢，係想令我驚咗，我覺得呢啲做法好可恥，你哋社民連仲講乜嘢扶助弱勢社群？真係多餘」。
問到現有何說話想對任亮憲說時， A說：「叫佢自己保重，好自為之，是非黑白永遠要置在成敗得失之前」，又指任的支持者「應該收斂啲，有時唔可以太盲目」。本報昨曾嘗試聯絡事件主角任亮憲，但至截稿前他仍未有回應。
YouTubeHK 精選影片 www.youtubehkvideo.com [主頁] [最新影片]
No comments:
Post a Comment