祖藍亞男拍拖：冇諗高度 祖藍、李亞男公開晒恩愛 2010年11月11日
[狂賀] 王祖藍終奪美人歸 Part 1
[轉載/蘋果日報] 現年 30歲的王祖藍果然矮仔多計，成功出冧招追到細 5年兼高半呎的 05年國際華裔小姐冠軍李亞男，譜出一段長短腳之戀，他們昨日公開地下情，即場大做真人騷示威，甜蜜到暈。
王祖藍和 25歲的李亞男同是虔誠基督徒，二人雖然高度懸殊，但他們懶理世俗目光，秘密拍拖一年多，這段長短腳之戀近日被踢爆，他們昨日更甜蜜在將軍澳電視廣播城見記者。
王祖藍昨日男扮女裝外景完返廠，會合女友接受訪問，二人玩手指碰手指，示意一線牽， sweet到爆。穿上平底鞋的李亞男更主動搭着身高矮一截的男友，祖藍說：「識咗李亞男 4、 5年，拍咗年幾拖，返教會識嘅，大家有意思時都問過牧師，不過當然係我追佢。」
李亞男：我係佢嚿電
李亞男身高 5呎 9吋，高王祖藍足足 6吋，祖藍說：「佢唔介意我矮，唔睇外表，我哋心靈溝通到先一齊。」他更直認女友已見過家長。問到祖藍和李亞男是否已認定大家是結婚對象？祖藍說：「我哋認真嘅，唔會咁快講實，牧師話唔好咁快有承諾，睇定啲，公開咗反而輕鬆，收埋好辛苦。」二人互覺有甚麼吸引？祖藍說：「佢虔誠（指信教）過我。」有指他們喜到教友家拍拖以防婚前性行為，祖藍說：「你哋諗多咗。」
李亞男認同公開拍拖較輕鬆：「今日好多朋友恭喜我哋，仲以為結婚，收埋好大壓力。」祖藍曾自爆女友不愛他反串扮女人，李亞男對此說：「我有少少唔開心，佢扮女人身材比我好，會妒忌，但會支持佢，不過我鍾意佢係男仔多啲，佢負責任，好愛我。」祖藍聽後笑指沒講過，李亞男即嬌嗔道：「即係你唔愛我。」
大讚王祖藍好靚仔
李亞男又爆男友常營造驚喜，她說：「好難忘有次佢帶我去好遠方賣我豬仔，去海邊睇星星。」記者取笑王祖藍「劏豬」，他即向女友說：「你講嘢小心啲，成件事同豬無關。」李亞男又說：「平時我佢笑多啲，佢出嚟大家，我係佢嚿電，畀佢電力。」祖藍表示雖公開戀情，但介意情侶檔工作，他說：「拍拖係享受，唔想為搵食。」李亞南昨在電話中又讚男友「我覺得佢好靚仔。」
此外，祖藍昨日接受商台電話訪問時表示因很久沒見女友，故一見面忍不住拖手，結果百密一疏被人影到，他又表示母親滿意女友，讚她夠純。
採訪、攝影：王崇穎
話你知：中外長短腳之戀
身材矮小的王祖藍戀上比他高一截的李亞男，高度差異成為話題，不過真愛並非取決於身高，不少娛圈情侶和夫婦，都是身高不搭配的。資料來源：《蘋果》資料室
高矮配：郭富城、熊黛林
簡介：兩人發展地下情近 3年，早前城城 45歲生日，熊黛林陪伴至三更半夜，戀情逐漸浮面。
高矮配：甄子丹、汪詩詩
簡介：甄子丹 03年迎娶比他年輕 19歲的汪詩詩，兩人育有女兒 Jasmine及兒子 James。
高矮配：李啟淦、林珊珊
簡介：香港前游泳代表李啟淦身高六呎，與身形矮小的林珊珊相映成趣，兩人 87年在美國結婚，惜於 92年離婚。
YouTubeHK 精選影片 www.youtubehkvideo.com [主頁] [最新影片]
No comments:
Post a Comment