Header Row

[時事] 直資李國寶中學Sir 辱罵窮學生走狗

名校 Sir 辱罵窮學生走狗2010 12 02


[轉載/Youtube]  涉公然羞辱「你老竇冇嘢撈」貧窮男生被罵走狗
一名就讀直資學校李國寶中學的中四貧窮學生,控訴獲批學費全免後屢遭教師歧視,上課時被侮辱「你老竇冇嘢撈呀?」更曾被罵是反對校方狂加學費的家長教師會主席劉李偲嫣的「走狗」;劉太亦斥責校方打壓異己,她投訴學校有大量儲備仍加學費後,其子即被針對及孤立,務求令他退學,從而逼她離開家教會,無法監察學校。

四年前入讀香港管理專業協會李國寶中學的劉渙亨,昨偕父親劉兆安及同校另一家長劉李偲嫣召開記者會,劉兆安表示,本來任職教材推銷員,月入數萬,但兩年前減少至約6,000元,替兒子向校方申請學費全免獲批,自此其子常被公然羞辱:「你老竇冇嘢撈呀?」當劉渙亨寫作貧窮題材的文章時,又被教師奚落「你用第一身去寫,寫吓自己有幾窮」。

劉渙亨與一直是校方眼中釘的劉李偲嫣的兒子Nicholas是好友,常被教師警告「唔好同劉太個仔玩」,他認為校方旨在孤立Nicholas。他指今年開始情況越趨嚴重,「佢哋可以將我同Nicholas嘅友誼扭曲做向劉太攞利益,我覺得好過份」,他一直裝儍,但上周教師的一番話,令他無法再容忍,「話我係劉太隻走狗,黐埋去為咗攞着數,我真係忍唔住喊……咁樣令到我唔想返學」。

通識科教師 上課用字粗鄙
曾擔任家教會委員的劉兆安承認,兒子的學業成績不是太好,今年需重讀中四,亦曾被教師搜到香煙,有段時間與一些背景較複雜的同學來往。但他認為部份教師小題大做,針對其子,「包煙佢只係幫人袋嘅,老師話佢帶煙,越講越興奮,仲無限上綱同全班講話佢派煙」。
曾公開羞辱劉渙亨的一名葉姓通識科男教師,被劉兆安形容為言詞粗鄙,他曾着兒子上堂時錄音,發現葉Sir曾說「農民走晒去城市呢,咁就大檸樂」、「屙唔出屎呢,我幫你剪開個屎眼」等,教壞學生。劉渙亨昨公開葉Sir前日發給他的短訊,「你或你老頭仲要找律師控告我……有冇搞錯」,他認為對方目的是警告他不要對外作出控訴。

籲公開財政 子即被「禁錮」
劉李偲嫣則說,學校中一生的每月學費由07年的960元加至今年的2,250元,早前她要求校方提高財政透明度,有儲備下不應加學費,之後即「冇好日子過」,校方欲分化家教會,又扶植其他家長頂替其家教會主席位置,其子Nicholas更曾被「禁錮」在休息室九小時,「佢哋屈我個仔收陀地,唔畀佢上堂」。劉太承認與校方有太多恩恩怨怨,但作為家教會主席「我唔做試問邊個去做呢」,身為父母、家長,亦不會容許欺凌家長、學生事件發生。
校方昨發聲明指,已跟進對有關教師的投訴,對於有周刊及某些人士對學校作出失實的報道及指控,校方已交由律師處理,目前不便作進一步評論。

李國寶中學教師出位說話
侮辱窮學生劉渙亨:
.「你老竇冇嘢撈呀?」
.「你係劉太(家教會主席劉李偲嫣)隻走狗,黐埋去為咗攞着數!」
.「你用第一身去寫,寫吓自己有幾窮。」

教授通識科時使用粗鄙字眼:
.「剪剪佢啦條契弟!」
.「問你哋阿爸阿媽做乜,『唔知』,唔通你阿爸阿媽全部都賣白粉嘅?」
.「寫嘢啦你班粉腸,個個坐晒喺度!」
.「農民走晒去城市呢,咁就大檸樂!」
.「你去美國旅行,跟住你無喇喇喺你阿媽個窿跌咗出嚟,你就係美國公民o架喇。」
.「同工同酬呢個呢,就多嚿魚嘅!」
.「屙唔出屎呢,我幫你剪開個屎眼!」

資料來源:家長劉兆安及劉李偲嫣


YouTubeHK 精選影片 www.youtubehkvideo.com [主頁] [最新影片]

No comments:

Related Posts Plugin for WordPress, Blogger...