Header Row

[娛樂] 李嘉欣:一索得男諗起想喊

李嘉欣:一索得男諗起想喊2010 12 07


[轉載/Youtube] 一索得男諗起想喊 嘉欣晒命恨生女
千億新抱徐子淇恨生仔,不過一索得男的大美人李嘉欣昨日出席手錶活動時就指老公家族一直生男多,朋友更比喻她是碧咸嫂會生極都是仔,但嘉欣表示接受不了,更自爆有次夢見自己懷孖仔更即時落淚,她表示除非保證生女,否則將不會再追。

腹大便便的李嘉欣自懷孕以來工作不絕,昨日她穿上Oscar de la Renta單膊裙及穿着3吋高跟鞋現身灣仔出席積家錶的活動,大會送上16萬多的玫瑰金腕錶給她,安志杰與顧婭棋則示範最新腕錶。

聽莫札特胎教
雖然嘉欣未有公佈懷孕多久,不過現場見她至少有6個月身孕,嘉欣接受訪問時透露已準備好BB用品,亦開始進行胎教,她說:「都有播莫札特畀BB聽,一聽就成日郁,搞到瞓唔到覺,如果再聽多啲莫札特可能會打拳,半夜都會郁醒,我瞓左邊佢就出右踭,左邊就出右腳,老公同個肚講『唔好蝦媽咪』。」
有傳嘉欣現在接job的酬勞達40萬元,她說:「我都有睇報道,唔會理,嚟緊仲有工作,排到2012年,應該都夠奶粉錢同教育基金,今日應該係我出席最後一個公開活動,除非好特別先會做,因為老公話『我一家大細都喺你手上』,佢仲叫我唔好着高跟鞋,阿媽有畀壓力我,老爺奶奶就冇。」

已改定女仔名
嘉欣又透露不會刻意揀時辰開刀生仔,至於BB名已諗好,她說:「英文名諗咗,未講得住,中文名仲諗緊,之前諗咗一個獨一無二嘅女仔名,知道係仔之後就算啦。」記者笑言下次追女便用得着,嘉欣說:「老公嗰邊好難生女,朋友都將我同碧咸嫂拉埋嚟講,話我生極都係仔,聽到時都想落淚,接受唔到,女仔夠窩心,可以同媽咪傾心事,好羨慕。」可會放棄再追?「如果再生仔就唔會再生,我有次發夢夢見生孖仔,直頭喊咗出嚟,返到屋企好似男生宿舍,如果保證生女就會再生。」


YouTubeHK 精選影片 www.youtubehkvideo.com [主頁] [最新影片]

No comments:

Related Posts Plugin for WordPress, Blogger...