[轉載/Youtube] Theresa怒撇大胸謙：我比佢更傷
「大胸謙」羅仲謙與「浸大E神」楊梓瑤因拍攝大膽床戲而鬧緋聞，令傅穎醋意大發，昨日即冷待謙仔，更冷嘲熱諷說：「佢冇同我講過一句真話！」
緋聞男女謙仔與傅穎（Theresa）經常以情侶檔姿態搵銀，亦不避嫌在人前玩親暱，惟最近謙仔於新片《婚前試愛》中，與楊梓瑤（Carol）有大膽床戲，除了爆出緋聞外，更盛傳激嬲Theresa！昨日「穎謙」出席《飄雪樂韻聖誕精品》開幕禮時，完全沒有眼神接觸或交談，全程零交流，與平日的打情罵俏有天壤之別！二人合照時貌合神離，企到離行離列，Theresa甚至木無表情以玉背「得住」謙仔，影完更火速彈開，令謙仔尷尬不已！抱恙出席的謙仔起初不知就裏，還表示擔心病菌會傳染給Theresa：「我會買聖誕禮物畀佢，仲會約佢去玩！（有傳佢寓所爆玻璃窗單嘢係自製新聞？）唔會，我會送『鑽石窗』畀佢！」
「冇同我講過真話」
雖然謙仔口甜舌滑，不過Theresa卻不領情，問到是否嫌棄謙仔？她無厘頭地支吾以對，問到是否嬲他？她說：「唔係，男女授受不親！（好冷淡喎？）唔係！係時候唔想再同佢傳緋聞，怕搵唔到真命天子！（有真命天子投訴？）我唔想畀人有錯覺成日有緋聞，會冇咗畀人追求嘅機會，我寧願過Lonely Christmas！」提到謙仔揚言送聖誕禮物，她竟面露不屑說：「識佢咁耐，冇同我講過一句真話！（同佢零交流？）唔需要交流，工作啫！」
Theresa更將二人的關係「降呢」為同事，問到是否遭謙仔呃？她又不欲多言，對於謙仔表示會送「鑽石窗」，她更冷淡地說：「咁搞笑？佢講乜我都唔信，你哋唔係信啩！（嗌交？）絕對唔係！唔想再同佢黐埋一齊！（謙仔想約你？）一定唔會應約！（好傷人喎？）我比佢更傷！」問到是否再遇「感情騙子」？她即充耳不問，問到是否與謙仔劃清界線？她說：「大家係同事，好難劃清界線！（謙仔花心？）唔回應！（合照唔交戲？）我份人就係咁真！」
自認口衰急補鑊
記者就Theresa的冷淡追問謙仔，他否認展開追求，問到是否激嬲她時？他說：「咁大件事？（同佢咩關係？）朋友、同事！（激嬲佢？）係咪我衰多口？要了解吓！梗係有啲嘢發生咗，如果激嬲佢，會氹番佢，我成日亂講嘢，啲人話我嬉皮笑臉！」 Theresa入行以來緋聞多多，不過大多遇人不淑，她曾出書自爆遇上感情騙子，被金牌大風高層陳輝虹暗寸：「呢個人可能係幽靈！」難怪她多疑，看來謙仔要畀多些信心她了。
YouTubeHK 精選影片 www.youtubehkvideo.com [主頁] [最新影片]
No comments:
Post a Comment