[轉載/Youtube] 蘋果日報 2010年12月21日
鄭秀文（ Sammi）昨日把演唱會移師到澳門演出，作為慶祝回歸活動之一，當地居民只需 50元便可入場看騷，不過 Sammi依然落力演出，先後換上多套新做歌衫又唱又跳，又爬在地上拿水飲，更曾不小心跣腳，幸有驚無險， Sammi叮囑觀眾不要把出醜片段放上網。
為慶祝澳門特區政府成立 11週年， Sammi昨在澳門奧林匹克中心運動場舉行《 Love Mi鄭秀文世界巡迴演唱會》，現場約 4,000個座位爆滿。當地居民只需 50元便可買票看騷，但其他地方的居民就要 200元。除 Sammi外，澳門新秀冠軍彭永琛及 RubberBand亦有演出，而澳門亞運運動員亦有到場，接受市民祝賀獲佳績。
從天而降
開騷時，一身軍 look的 Sammi坐升降機從天而降，並說：「多謝主，好彩回暖，如果只有 8度，啲歌衫咁薄真係唔知點算。」 Sammi全場落足力表演，她笑言：「 50雞抵到爆，所有衫都係新造，邊有人貼錢打工？我咪係囉。」
Sammi說甚少在下午演出，感覺新鮮。現場見 Sammi先後換了近 6套歌衫，包括旗袍 look、鮮黃低 V晚裝及螢光粉紅造型等。有一環節 Sammi除去外套，台下 fans即尖叫，她聞言笑說：「乜鬼都譁，呢啲碎料嚟咋。」
不慎跣腳
現場見 Sammi不時忘記 rundown，認真烏龍又搞笑，另外她穿鮮黃大低 V晚裝和陳奐仁合唱時，一不小心踩到裙腳，她索性彎身整理。尾聲 Sammi穿上粉紅 legging又唱又跳時不慎跣腳，幸未跌倒，她笑言：「千祈唔好放上 YouTube呀。」唱到攰時 Sammi坐在台邊休息，之後更瞓在台板上，接著又爬去拿水飲，盡現真性情。唱到《不要驚動愛情》時， Sammi有感而發：「我係唱出自己愛情，自己係不屑驚動愛情。」
YouTubeHK 精選影片 www.youtubehkvideo.com [主頁] [最新影片]
No comments:
Post a Comment