[轉載/Youtube] 李純恩座駕銅鑼灣傷人
作家兼食家李純恩，噚日喺銅鑼灣揸住部四驅車涉嫌撞親一個地盤工人，好彩傷勢冇大礙。
「好彩着咗安全鞋」
噚日中午，李純恩揸住佢架BMW X5，送完老婆後趕去飯局，架車沿登龍街行駛，見到3名地盤工人行出馬路，雖然已經收慢車速，但倒後鏡碰到其中一名53歲姓梁男子右邊膞頭，該男子面露痛苦咁話：「你碌到我隻腳喎。」
警方到場調查，李純恩話：「揸車廿幾年都未收過告票，估唔到出意外。」唔知係工友記錯，抑或架四驅避震好好，李純恩好認真咁話，唔覺得架車有碌親人。
受傷地盤工友話，食完午飯返地盤開工，背住四驅車睇唔到點樣撞，但相信係右腳掌被碌過，跟住失重心撞埋四驅車倒後鏡，「好彩着咗工業安全鞋，有個鋼頭，如果唔係就麻煩」。但係講起李純恩係個名人，佢只應一句：「唔知邊個嚟嘅。」
YouTubeHK 精選影片 www.youtubehkvideo.com [主頁] [最新影片]
No comments:
Post a Comment