溫拿回春齊變紅衞兵 阿倫揸旗：我好耐冇扯 (2010-12-15)
[轉載/Youtube] 溫拿五虎會喺嚟緊農曆年初2開始，舉行一連6場名為溫拿38大躍進演唱會。噚日譚詠麟、鍾鎮濤、陳友、彭健新同葉智強喺尖沙嘴一酒店舉行記者會宣傳，佢哋着住類似紅衞兵嘅裝扮坐住吉甫車衝過一個膠幕出場。
溫拿一身臃腫嘅打扮，遇上噚日回暖嘅天氣，搞到佢哋大汗淋漓，但依然無阻呢班老頑童大講有味笑話。當大會頒發錦旗畀佢哋時，阿倫首先發難話：「使唔使扯起佢，我好耐冇扯嘞。」阿B就接口話：「我哋可以隨時扯起同扯落。」講完有味笑話之後，佢哋就向在座各人擔保，所有門票會在公正、公平同公開嘅情況之下賣飛。阿倫接受訪問時說：「今次所有人買飛都要出街賣，歌迷會都係咁。今次個騷表演時間都好長，就算搵嘉賓都會搵番自己嘅親戚好似Mr.同克勤囉。」至於被人取笑肥嘅阿倫就話到時唔會咁樣見人，言下之意即係會減肥。
準備魚網接利是
另外，今次演唱會只會開3面台，但就無阻佢哋收歌迷利是，阿B話：「我哋已經準備好啲魚網接利是，派完利是畀我哋好足成年，好過同我哋握手。」
YouTubeHK 精選影片 www.youtubehkvideo.com [主頁] [最新影片]
No comments:
Post a Comment