[轉載/Youtube] X'mas免費影相位 Mall鏡靚爆鏡 2010年12月20日
太古城歐陸大屋
太古城為傳統名牌屋苑，要踩冰要消費購物睇戲，一應俱全。男士們，不妨先約女友在附近午餐，然後來到二樓中庭，會發現一個巨大舞台，舞台每日請來《全美一叮》踢躂舞組合All That表演，不過一日只有2-3場（想睇請留意場內時間表），咁不如直接到舞台後的場景影相。今年佈景主題係歐陸大屋，高68呎，大廳內十分寬敞，聖誕樹自然少不了，仲有大梳化、火爐，最特別係大廳之中一隻巨型啤啤熊，小朋友、女士見到即刻撲上去攬住影相！大熊旁邊，係一排精美食物，嘩，Model Lulu見到就肚餓！一拎上手，爭啲咬咗落去！Display的當然係道具啦，不過食唔落肚，都要影餐飽先夠。
ifc木偶奇遇記
影完太古城，坐一陣港鐵就到了中環站。一上ifc中庭，嘩，即刻見到兩個龐然巨物，係乜東東呢？原來係巨型木偶，「嘩！好得意呀！」Lulu一見就發狂，咁自然要埋去搔首弄姿，影吓靚相先！右邊的是聖誕老人，騎在鹿背上；左邊的是貌似《木偶奇遇記》的傳統高帽、短褲木偶造型，細心睇吓，聖誕老人撇鬚係識郁嘅，會左搖右擺o架！好得意！
兩個巨型木偶身高達兩層樓，是全香港最巨型的。在他們後面，仲有鹿鹿木偶兩隻，佢兩個個頭一樣係會搖o架，十分可愛。至於中間，有一棵巨型聖誕樹。本來聖誕樹就無乜好睇，但佢下面放滿了一樽樽糖果，睇見就想食。咦，點解聖誕擺設都有食物擺設架！咁多樽糖果，總共有幾顆？開估，係超過五萬顆。唔使驚蛀牙，因為此糖果只供觀賞，不可食用！
海港城香檳杯
由中環坐小輪過尖沙嘴，五分鐘就到，梗係啦，填到個海咁窄，行去碼頭仲遠過坐小輪呀！
今年海港城特設全港最高由53個約高2 米的香檳杯砌成的40呎高LED聖誕裝置，杯中均放有聖誕樹，由內散發出七彩混光效果。聖誕蛋糕共三層，會隨音樂，慢慢由一層升高至三層、並緩緩轉動，配合廣場兩旁約5米高的香檳樹裝置，引領大家進入綴以巨型水晶吊燈及掛滿逾800個金色吊球的海運大廈正門。就咁睇都幾吸引，夜晚來影相更加靚！
YouTubeHK 精選影片 www.youtubehkvideo.com [主頁] [最新影片]
No comments:
Post a Comment