[轉載/Youtube] 老婆臭脾氣 老公當皇后 張晉報喜 蔡少芬懷孕 2010年12月01日
現年37歲的蔡少芬（Ada）08年嫁給內地演員張晉，婚後兩公婆一直計劃生小孩，昨日張晉終宣佈太太懷孕的喜訊，心情興奮的張晉更戲言太太懷孕後脾氣更大，現在儼如皇后一樣。
張晉和孫耀威等昨日在旺角出席福音電影《流浪漢世界盃》祝捷宴，慶祝該片獲中美電影節金天使獎最佳電影，導演關信輝在台上一度感動哽咽。雙喜臨門，該片除了電影獲獎外，張晉更公佈榮升爸爸，他表示很開心，但拒絕透露太太懷孕多少周。
陀住肚趕拍劇
問張晉是否怕胎兒未足3個月小器？他說：「唔係驚，我同Ada係教徒，冇擔心呢樣講唔講得，有人問會認。」至於何時是預產期？他說：「唔講住，留番下次有機會先。」隨後他卻漏口風指本周六會與太太在港出席一個公開活動。
那麼喜歡生男還是生女？張晉強調仔女也沒所謂，最重要是BB健康。問太太蔡少芬有否暫停工作？張晉說：「佢喺內地拍緊劇，劇入面做皇后，因為一早接咗唔可以推，如果推咗要賠錢o架，預計農曆年先返到屋企休息，不過呢幾日冇佢嘅戲，所以返咗香港休息。」
張晉坦言擔心太太獨自在內地開工，他說：「我都特別請幾個人照顧佢飲食同出入，之前有三、四個，家再請兩個，佢咁鍾意行街，都有叮囑佢小心，唔好四圍走。」問太太懷孕後脾氣有否改變？他竟笑說：「佢脾氣一向唔好，家更加大，不過有啲嘢明白，大肚婆情緒會控制唔到，家成日嘔，我會盡量遷就，佢家個劇就係做皇后，喺屋企更加似皇后。」
問張晉有否獎勵太太？他表示每逢聖誕和新年也會買禮物冧太太，又說：「為咗BB同家庭，唔要條命都會努力賺奶粉錢。」他自言心情又驚又喜，喜是老婆終於懷孕，驚是老婆出入不夠小心，故自己不用開工便會陪太太。
擦韓燒好胃口
Ada方面則只透過經理人說：「要講老公都講晒，交畀老公講，多謝大家關心。」懷孕中的她近日也不忘玩微博，前晚才在網上透露與家人食韓國燒，飽到想嘔，看來這個大肚婆相當貪吃。此外，有內地報道指Ada日前與好友陳法蓉在重慶的化龍橋買樓，據說是買來孝順張晉父母。
YouTubeHK 精選影片 www.youtubehkvideo.com [主頁] [最新影片]
No comments:
Post a Comment