[轉載/Youtube] [轉載/蘋果日報] 自從許志安和女友Michelle分手後，屢傳鄭秀文（Sammi）會跟安仔復合，昨日Sammi抱恙出席慈善活動，談到感情事，她坦言不排除跟任何人有發展機會，更揚言有拖拍是件威水事，所以日後若有機會跟圈中人拍拖，必會公告天下。
鄭秀文昨日帶病跟《歲月神偷》童星鍾紹圖到尖沙嘴出席「香港世界宣明會10萬人連署行動」，戴上口罩的Sammi表示感冒未清，她說：「因為我曳唔聽醫生話，冇食晒啲抗生素，我由細到大都未試過完成過嘅，家真係出事，病咗兩個星期都唔好。」
上帝賜BB會接受
已助養了20多個小朋友的Sammi，坦言覺得助養小孩比自己生更好，她說：「暫時都冇諗過自己生BB，我唔係特別喜愛孕育下一代，如果上帝畀我嘅咪安然接受，但係自己唔特別急住做媽媽。」她笑謂現在收到助養兒童寄給她的信，已感到非常愉快。
日前Sammi到上海出席東亞演唱會時，跟眾人合照並上載微博，惟獨不見她跟許志安的照片，問她是否有所避忌？她坦言：「既然你咁問到，係呀，係避忌，費事麻煩嘛。我同任何人拍拖都會講，我到咗呢個年紀，公開有乜所謂，我有拖拍，同邊個都好，相信我嘅歌迷都會好開心，況且我覺得有拖拍係件好威嘅事，不過係 家冇得威，所以冇得講。」
「唔排除任何可能」
當記者指歌迷們都覺得Sammi跟安仔是絕配，她笑說：「都係歌迷嘅幻想，我同佢家真係唔係，不過我唔排除任何可能，我同任何人拍拖都會講，就算圈中嘅都會講，雖然知道公開咗會好麻煩，但係覺得都冇必要隱藏。」
採訪、攝影：譚倩宜
YouTubeHK 精選影片 www.youtubehkvideo.com [主頁] [最新影片]
No comments:
Post a Comment