[轉載/互聯網] 做人總是兜兜轉轉上上落落，26歲的「港版吳佩慈」梁郁霖（Lillian），事業上由o靚模到選港姐再重踏天橋，愛情上她也屢敗屢戰，先後與四名男星傳緋聞和拍拖，她大讚舊愛洪天明懂照顧人、緋聞男友張柏文爛gag人叻、麥浚龍（Juno）神秘莫測，惟獨跟曾國祥不熟，不知為何會傳緋聞。
貌似吳佩慈、擁九頭身高妹身形加34C上圍的梁郁霖桃花旺盛，除了與洪天明拍過拖外，近年也先後跟麥浚龍、張柏文和曾國祥傳緋聞。雖然這四名男星緋聞唔少，但Lillian卻為他們講好話，日前她在將軍澳接受訪問時說：「娛樂圈日日接觸唔同嘅人，係表面花弗啫，我覺得佢哋都專一，都細心嘅。」
Juno神秘莫測
四男又非靚仔極品，但緋聞特多，難道有過人之處？Lillian笑說：「佢哋好人，gentlemen，又關心朋友屋企人，有呢啲條件，已經係好好嘅男朋友啦。」在她眼中，Juno、柏文和天明各有優點：「Juno神秘莫測，但佢係好好嘅人，我哋係中學同學，佢好純好nice，對所有朋友都好好；柏文好friendly，活潑啲，搞笑啲，成日講爛gag人開心；天明好愛身邊朋友同屋企人，會好照顧人。」至於曾國祥，她表示對緋聞一頭霧水，皆因兩人只見過一、兩次面，大家不熟，故不評論。
「會祝福佢哋」
天明、Juno和柏文現各有拖拍，自稱目前單身的Lillian謂不會倍感孤單，她說：「我會祝福佢哋，咁朋友對我好，我有工作做，生活幾OK。」她入行6年，星運平平，今年選港姐戰敗，她不認為與戀事多有關：「唔可以扯埋講，愛情同工作兩樣嘢，事業發展可能係運氣同時間唔啱。」
最近Lillian重踏天橋再進軍模界，雖則o靚模多競爭大，但她仍躊躇滿志說：「我剪咗頭髮、轉咗公司，想有新鮮感再試多次喺model界發展，拍戲都想嘗試吓。」
YouTubeHK 精選影片 www.youtubehkvideo.com [主頁] [最新影片]
No comments:
Post a Comment