[轉載/蘋果日報]
每逢年尾踏入樂壇頒獎禮季節，一眾歌手即戰戰兢兢等待派發成績表，昨日各大唱片公司的歌手出席商台「2010年度叱咤樂壇流行頒獎典禮」記者會，先來個熱身戰，女歌手大熱容祖兒與謝安琪忽然老友，不停密密傾，更互笠高帽，連嘟嘴表情都十分一致，而基仔腰傷撐住枴杖也要出席支持。
古巨基、容祖兒、謝安琪（Kay）與楊千嬅等一眾歌手出席昨日在九龍灣舉行的「2010年度叱咤樂壇流行頒獎典禮」記者會，各歌手出盡心意，奇裝異服，最後由現場眾歌手投票，扮演黑人組合的農夫得到造型大獎。
基仔腰部舊患復發，需要扶枴杖上台，記者會結束便立即離開，祖兒與Kay兩位同是「叱咤女歌手」大熱，昨日忽然老友，台上台下都不停密密斟，反而祖兒的真正老友何韻詩，就未有太多交談，問祖兒與阿Kay點解咁好傾？祖兒謂：「真係同阿Kay好耐冇見，自從四大唱片問題之後，就好少喺電視台見到，今日（即昨日）好開心可以同啲好朋友相聚。」提到女歌手是她與Kay之爭，她說：「其實家出席頒獎禮嘅心態都係志在參與，樂壇係需要一齊支持。」
阿詩探班慰祖兒
Kay就大讚祖兒身形fit爆，她說：「見到佢咁全情投入準備演唱會，真係好開心，歌手可以享受自己嘅音樂係最開心。」對獲得女歌手獎有冇信心？Kay表示沒留意走勢，開心重要過信心，講到「四台聯頒大獎」有可能取消，Kay謂：「一向都覺得呢個獎係好勁，每年都好期待結果，如果冇咗會覺得可惜，無論結果係點，都唔係歌手可以決定。」
另外，阿詩被拍得到祖兒的排舞室探班，阿詩直認不諱：「知佢壓力大，仲試過喊，咪去支持吓佢囉，我地呢啲義氣仔女嚟o架嘛。」
採訪：胡比
攝影：仇志德
YouTubeHK 精選影片 www.youtubehkvideo.com [主頁] [最新影片]
No comments:
Post a Comment