[轉載/Youtube] 讚栢芝影后DNA傳囝囝 徐濠縈唔畀囡囡學Lucas
潮媽徐濠縈昨日出席有份參與設計的便裝活動，與小模特兒齊齊行騷。品牌曾力邀她和囡囡陳康堤一同母女亮相，但自稱是女兒經理人的徐濠縈，揚言接功課讀書可以，接工作免問，拒效栢芝、霆鋒的Lucas做小童星。
潮媽徐濠縈昨日與周秀娜等在旺角出席Bossini x M&M'S活動，徐濠縈穿上一件印滿朱力豆的露肩jumpsuit，與一群小朋友齊齊宣傳，好姊妹杜如風就拿着相機狂影。徐濠縈說：「我有份設計啲accessories，今日自己都病，唔敢睇西醫，食住中藥先，想隔離包包（指囡囡陳康堤），但佢係都要黐住我瞓，我要等佢瞓咗先推開佢。」
爆女兒鍾意講嘢
徐濠縈謂品牌也有斟她和囡囡一齊行騷做活動，但她不想女兒工作，她說：「我係包包經理人，係安排佢讀書，唔想咁快有工作畀佢做。」張栢芝和謝霆鋒的大仔Lucas也接戲，徐濠縈說：「佢強啲，媽咪係影后，包包含蓄啲，我演藝事業一般，佢平衡咗我哋。佢最擅長講嘢，好似爹哋咁鍾意講嘢，成日叫我唔好做嘢，留番畀佢哋做啦。」由於陳奕迅聖誕要出埠登台，徐濠縈會帶囡囡和黃偉文一齊去旅行過節。
周秀娜唔急出碟
周秀娜密密開工，她昨日做嘉賓又行騷，明天又為演出的新片《婚前試愛》錄歌，她說：「第一次唱埋歌，試吓囉。」周秀娜聲音低沉，問她不擔心效果？她說：「唔關事，講嘢同唱歌係兩回事，我之前都有跟老師學過唱歌，唱普通話會好啲。」何時出碟？她說：「睇吓今次點先，都唔急。」周秀娜今年好收入，問她榮升千萬富婆未？她即說：「千萬日圓呀？家通脹勁，我與時並進啫，不過我都未收到稅單。」
YouTubeHK 精選影片 www.youtubehkvideo.com [主頁] [最新影片]
No comments:
Post a Comment