[轉載/蘋果日報] 草蜢今年入行25周年，三人由幼稚園開始結緣，中學時期組隊玩音樂，經歷時代變遷，今日在舞台上有輝煌成就，草蜢將多年來同甘共苦的點滴刻下筆迹，與大眾分享。他們最難忘當年初踏娛圈時的屋邨生活，今次更翻箱倒槓將兒時珍貴照片公諸同好。
草蜢即將舉行「繼續忘我2010」演唱會，門票賣個滿堂紅之際，三子蔡一智、蔡一傑和蘇志威為讓樂迷深入了解草蜢，同時在本月中左右推出文集《三角演義》，記載他們相識逾40載，加入娛樂圈25年的成長經歷。
草蜢表示多年相處有着非一般的默契，蔡一智說：「我哋三個性格、喜好都唔同，唔知點解可以走埋一齊。」蘇志威說：「本書記載咗我童年回憶，等家新一代睇番我哋以前嘅生活，點搵樂趣。」
三子走在一起逾40個年頭，當中一切甜、酸、苦、辣難以一下子以言語解畫，蔡一傑說：「每件事都難忘、搞笑又好玩。」
慶幸未嘗低潮
草蜢慶幸事業的確未算經歷過低潮，蔡一傑說：「我哋一入行已經攞獎，但到出第三張唱片《ABC》時仲住喺屋邨，當時賺到少少錢，畀啲屋企人搬走，我哋三個就一齊住。」蔡一傑雀躍地說：「以前一出碟啲鄰居就會將喇叭放出門口，播住我哋嘅歌，意思即係『我哋買咗你哋隻碟啦』，回想番呢啲都好開心。」草蜢即場翻看1989年時出版的寫真集，看到當時赤膊擺甫士時即互相評頭品足，蘇志威揶揄蔡一傑：「你咪最叻賣弄肌肉。」蔡一傑即說：「呢啲叫本錢！」
採訪：卓寶花
攝影：陳慧安
髮型：Jacky Ma of headquarters
YouTubeHK 精選影片 www.youtubehkvideo.com [主頁] [最新影片]
No comments:
Post a Comment