Header Row

[娛樂] 亞姐騷三點式騎呢醜態一籮籮

馮仁昭四圍超:亞姐騷三點式 臭口芭比失控亂噏 2010年10月13日


[轉載/蘋果日報] 亞姐競選(港澳賽區)候選佳麗噚日喺荃灣悅來酒店,着三點式見傳媒。今年亞姐質素未及往年,騎呢醜態反而一籮籮,好似 1號楊晴咪咪谷到上頸, 5號萬嘉麗四肢瘦削凸胃腩, 8號寇晨瑜胸下同大腿都有黑印,原來貪靚去脫癦,仲話:「初賽時脫嘅,醫生話唔會有疤痕。」但現場見都幾礙眼 o架。不過佳麗中都有骨肉勻稱嘅,包括 4號祁翼、 10號何婭、 12號閔蘭。 10號何婭出場時扭吓扭吓咁衝向攝影區,要司儀喝止佢。

嚴抗紅外線偷拍
佳麗合照時,有陣大風刮起,背後佈景板幾乎吹起,嚇親啲佳麗。臭口芭比 13號廖祉甯報稱上圍有 34.5,但噚日睇真又唔似,佢又爆:「之前心臟病喺大腿大動脈位置做過小手術,怕大家猜測,話畀大家聽。」
之後臭口芭比無厘頭話:「上次病要簽紙又要籌錢,手術唔使錢,但有事要通波仔搭橋就要七萬蚊,好彩我都有積蓄,又有熱心朋友幫手。」佢又寸傳媒一時話佢身材平均,一時又話少少肥;佢起初話冇勁敵,但轉頭又話個個係競爭對手,睇嚟佢都好錯亂喎。
另外,亞視對郭晶晶俾人用紅外線偷拍相當關注,為免亞姐喺公眾場合着泳衣時,有人渾水摸魚扮記者用紅外線偷拍,大會將加強記者身份核實同審查,又會同泳衣供應商注意物料選用。至於亞姐將喺 12月 5號舉行,無綫台慶頒獎禮為避亞姐而改喺 12月 3號舉行。


YouTubeHK 精選影片 www.youtubehkvideo.com [主頁] [最新影片]

No comments:

Related Posts Plugin for WordPress, Blogger...