Header Row

[娛樂] 六嬸親信彈林峯唔掂

WOWtv 娛樂 六嬸為港姐唔讓檔期 林峯演唱無得加場

[轉載/蘋果日報] 六嬸方逸華近月面對李兆基家族收購無綫及總經理陳志雲涉貪風波,相信定必十分忙碌,沒想到連六嬸親信、邵氏高層黃家禧前晚也在邵氏新片《抱抱俏佳人》活動上酒後吐真言,直指無綫自捧天王林峯主演的電影《翡翠明珠》票房大崩壞,全因林峯電影市場唔掂。

無綫今年出盡全力歌影視三線硬谷「親生仔」林峯上位,先將《勁歌》亞太區最受歡迎香港男歌星獎送給他,繼而安排他夥拍蔡卓妍拍攝電影《翡翠明珠》及與楊千嬅合演邵氏新片《抱抱俏佳人》,可惜林峯出師不利,《翡》片早前上畫票房僅收315萬,成績慘淡。

「喺市場上未企得穩」
前晚林峯和千嬅到澳門宣傳《抱抱俏佳人》,身為六嬸親信的邵氏電影創作總監黃家禧飲大兩杯,主動走到記者席搭訕,向來慎言的他一反常態,直指林峯電影市場唔掂,他說:「《翡翠明珠》票房係好差,係失敗,但故事係得o架,只係我哋冇睇到林峯喺電影嘅市場上未企得穩,其實佢喺《抱抱俏佳人》做得唔錯o架,贏輸唔緊要,盡力做就得。」
黃家禧自認要為《翡》片失利負責,故近日邵氏開拍由曾志偉、林峯、林欣彤、吳君如及無綫小生花旦演出的賀歲片《我愛香港》,黃家禧就形容被六嬸以另類方法激勵,卻令志偉一度辭演,黃家禧說:「片名《我愛香港》係老土咗啲,東南亞嗰邊都覺得太香港唔鍾意。」

爆志偉六嬸唔啱key
黃家禧說:「志偉今日12點話唔拍呀,原因係我老細(六嬸)唔同意屋邨題材,但志偉同我都好鍾意,屋邨題材係好多時下人嘅關注。後來老細話『照去啦,都可以去,但我唔buy。』」
黃家禧續說:「志偉同我講好難做,拍得好就剃老細眼眉,唔得嘅話就變咗老細睇法啱,咁佢以後點再拍戲呢?會無地自容。後來我寫信畀志偉陳述利害,家唔搞損失會好大,後來志偉拍心口繼續去,仲話要將封信裱起用嚟提醒自己。」
志偉昨在海南島出席高球慈善活動時,得悉黃家禧酒後吐真言,他說:「佢真係飲爆咗,件事係六嬸覺得套戲唔夠瘋狂好笑,我就想着重香港情懷,我哋解釋畀六嬸聽後,家一人讓一步,會開拍嘅。」
黃家禧是六嬸表弟,在行內無人不識,在邵氏工作的30多年間,監製過逾200部電影。
採訪:何慧斯
攝影:黃文偉


YouTubeHK 精選影片 www.youtubehkvideo.com [主頁] [最新影片]

No comments:

Related Posts Plugin for WordPress, Blogger...