[轉載/Youtube] 議員博曝光爭選票本來無可厚非，但有網民發現，近日喺街頭出現大量立法會議員梁美芬「成功爭取」施政報告「落實有關老人的措施」嘅海報，質疑鼠王芬身為大律師兼城大法律系副教授竟然知法犯法，亂貼街招，可能因為錢多唔怕罰款1,500元。但鼠王芬就堅稱，唔關佢事。
網民影低呢批海報嘅相噚日擺上討論區，拍攝地點疑似深水埗，路邊、燈柱、電箱、郵箱等公眾地方都貼晒宣揚鼠王芬豐功偉績嘅海報。根據《公眾衞生及市政條例》第132章第104A條，未經准許而展示招貼或海報，或《廢物處置條例》第354章第16A（1）條，「非法擺放廢物」，兩者都可以罰款1,500元。
稱可能義工做 或被人惡搞
不過，鼠王芬向八方堅稱，對亂貼海報一事毫不知情，啲海報平時只會貼喺佢嘅橫額上，仲話「貼喺街燈度咁核突，我唔會做」。佢聲稱，唔知係咪義工好心做壞事貼錯咗，定係有人惡搞佢，佢會同助理調查清楚喎，仲話如果證實俾人整蠱，佢會報警。
八方問過食環署，點知署方發言人話食環署主要負責「放喺地下而又阻街」嘅物體，如果街招貼喺街燈，就屬於電力公司管轄範圍，要問番佢哋。咁唔通貼喺郵箱，就要問郵政署；貼喺路牌，就要問路政署？發言人話咁唔係卸膊，係「分工」。咁八方就問乜嘢地方貼街招先係食環署管轄範圍、條例係咪食環署執法、點樣申請貼海報等等，發言人就話問題好複雜，要遲啲先答到。
有事「唔知情」 唔係第一次
其實鼠王芬唔止一次被人質疑違法之後話對事件唔知情，舊年有報道踢爆佢喺港島摩羅廟街有個地舖，據講當時個租客欠租，鼠王芬以業主身份入稟土地審裁處追討兼趕走個霸王租客，但係屋宇署要求業主清拆有潛在危險嘅招牌時，清拆令過晒期佢都冇反應，直至有傳媒查詢，鼠王芬先話一向將物業交畀間管理公司處理，佢對僭建一事毫不知情，仲指摘係個租客不負責任。
YouTubeHK 精選影片 www.youtubehkvideo.com [主頁] [最新影片]
No comments:
Post a Comment