[轉載/Youtube] 周秀娜床戰林峯零反應 2010年10月22日(五)
有意於影圈大展拳腳的周秀娜一改硬朗形象，於電影《抱抱俏佳人》中飾演「被恰」的角色，更與林峯有一場即興加入的床戲！
於新片以清純形象示人的周秀娜，飾演楊千嬅的手下，對於早前傳出不和，二人均異口同聲表示只是宣傳伎倆。問到對千嬅的印象？周秀娜只說：「我哋都係潮州人，相處得好好，拍劇嘅氣氛都好開心。」談到在片中與林峯有激烈床戲，她表示是於煞科後才加的戲份：「導演黃真真覺得我同林峯條線唔夠深刻，佢同我哋商量過，咁我都真係覺得有加戲嘅需要，而且對劇組同對手都有信心。」
首次挑戰床戲的周秀娜指拍前未取得男友同意，又爆林峯聽導演解釋該場戲時聽到「耳都紅晒」，她透露劇組為他們準備紅酒白酒：「有用o架！但拍嗰陣要清場，加上導演幫我哋入戲，所以唔尷尬。（林峯有冇『反應』？）冇，大家都係專業演員。」
婚紗着極唔厭
周秀娜自言與片中角色有點相像：「我個角色係一個好純、對愛情好有憧憬嘅人，即係着起婚紗就會幻想自己結婚嫁人嗰種。我自己都好相信愛情，但唔會盲目囉！我好理性。」曾多次穿婚紗行騷拍廣告，問她會否對「披嫁衣」麻木？她說：「嗰啲只係工作，我會將最開心同最期待嘅心情留番自己結婚嗰陣，結婚生仔係人生階段之一。」她又強調一定不會當第三者：「除非我唔知情啦！但就算係咁，我都會好似戲入面咁，選擇放棄。」
YouTubeHK 精選影片 www.youtubehkvideo.com [主頁] [最新影片]
No comments:
Post a Comment